劉鑾雄昆仲旗下的華人置業（0127），近來動作不斷。先有傳出分拆房地產投資信託基金（REITs），近有劉氏昆仲先後批股。劉氏昆仲精於「睇市」，他們都沽貨減磅，小弟深恐樓市股市見頂為期不遠。
華人置業部署分拆REITs，當中網羅物業，粒粒皆星，股民所欲也。人同此心，心同此理，劉氏昆仲何解「益」散戶？小弟以為劉氏仲昆分拆REITs只是高位沽貨。君不見，劉氏昆仲在90年代先後出售夏愨大廈樓層、娛樂行。之後樓市就江河日下，看官耳熟能詳，不用多談。聞者得知分拆REITs之舉，大概不寒而慄。
劉氏昆仲早前高位配售華置。主席劉鑾鴻更悉售手上的華置股份。此事多少與劉鑾雄在1985年悉售愛美高相似。愛美高由劉鑾雄與梁英偉創辦，但後來兩人出現分歧，結果劉鑾雄悉售愛美高持股。半年後，劉鑾雄獅子回頭，低價入主愛美高。雖然劉氏昆仲不會悉售華置，要是看好後市，斷不會減持。蓋大股東持股愈多愈好，減持是看淡訊號，深信日後可以低價吸納。
若然劉氏昆仲「睇市」能力仍在，如此舉動，不知散戶當作何想？
